«Azıada, qosh keldiń!» - Pavlodardaǵy jas sýretshilerdiń kórmesi osylaı atalady
PAVLODAR. 22 jeltoqsan. QazAqparat /Vera Lıvıntsova/ - Erteń, 23 jeltoqsan kúni Pavlodarda balalar sýret mektebi oqýshylarynyń «Azıada, qosh keldiń!» atty kórmesi ashylady, dep málim etti Pavlodar oblystyq sýret murajaıy.
Toptamada Qazaqstanda ótetin VII qysqy Azıada oıyndaryna arnalǵan jas sýretshilerdiń 60 sýreti qoıylmaq. Oıyndardyń bastalý tarıhynda alǵash ret sporttyń 11 túri boıynsha jarystar ótedi. Balalardyń qyl qalamynan týǵan sýretterde shańǵyshylar men syrǵanaq tebýshilerdi, mánerlep bı bıleýshiler men hokkeısterdi, tabıǵattyń tamasha beınelerin kórýge bolady.
