Azıada qonaqtary úshin Astanada mádenı, sporttyq jáne áleýmettik mańyzy bar birqatar jobalar ázirlenýde

Bul týraly búgin «QazAqparat» agenttigine elordanyń Týrızm jáne sport basqarmasynan málim etti.

Basqarmadan habarlaǵandaı, qalalyq uıymdastyrý komıteti qonaqtar úshin «Mádenı Azıada» baǵdarlamasyn ázirledi. Olardyń birqatary búginde júzege asyryldy. Máselen, «Meniń Azıadam» atty balalar arasynda sýret jáne esseler baıqaýy ótkizilip, jeńimpazdardyń týyndylary «Saryarqa» saýda, oıyn-saýyq ortalyǵynda ornalastyryldy. Osy ortalyqta sondaı-aq sporttyq taýarlar men kádeısylar satylatyn dúńgirshek ashyldy.

Aldaǵy kúnderi «Dýman» oıyn-saýyq kesheniniń aldyndaǵy alańda boı kóterip jatqan Olımpıadalyq muz saıabaǵynyń qurylysy aıaqtalady. Al Oıyndar ótkiziletin kúnderi: «Astana daýysy» mýzyka jáne bı festıvali, qazaqstandyq jáne sheteldik tsırk ártisteriniń festıvali, Azııa elderi fotosýretshileriniń sport taqyrybyndaǵy festıvali, «Táýelsizdik» saraıynda ornalasatyn «Qazaq aýyly» festıvali jáne beıneleý óneriniń kórmesi ótkiziledi.

«Mádenı Azıada» jobasy aıasynda kóptegen mádenı sharalar qolǵa alynady. Olardyń esikteri barlyq kelem deýshiler úshin ashyq. Qajet bolǵan jaǵdaıda Azıada qonaqtary úshin ekskýrsııalar uıymdastyrylatyn bolady. Qala qonaqtardy qarsy alýǵa jáne óziniń eń ádemi jerlerin kórsetýge daıyn», - dep atap ótti Basqarmadan.