AZIADA: Konkımen júgirýshiler 5 márte Azııa rekordyn jańartty
ANA. 1 aqpan QazAqparat - 7-Qysqy Azııa oıyndary sheńberinde búgin Astanadaǵy respýblıkalyq velotrekte ótken erler men áıelder arasyndaǵy 500 metrge konkımen júgirý jarysynda 5 márte Azııa rekordy jańardy.
Aldymen erler arasynda ótken saıysta qytaılyq sportshy ıÝ Djın (Yu Jing) alǵashqy júgirý kezinde Azııa rekordynyń ıegeri óziniń jerlesi - Van Beısınniń (Wang Beixing) 2007 jyldyń qańtarynda kórsetken ýaqytynan 0,17 sekýndqa ozyp ketti. Sodan keıin japondyq Kato Djodjı (Kato Joji) birinshi júgirýi kezinde ara qashyqtyqty 35,02 sekýndta júgirip ótip, budan 4 jyl buryn ornatylǵan qurlyqtyń rekordyn jańartty.
Araǵa birneshe mınýt salyp baryp ol ekinshi júgirýi kezinde óziniń jańaǵy rekordyn 0,04 sekýndqa jaqsartty.
Eki júgirýdiń qorytyndysy boıynsha Kato Djodjı Aq Azıadanyń chempıony atandy. Jeńimpazdan 0,35 sekýnd qalyp qoıǵan ońtústikkoreıalyq Lı Kan Sok (Lee Kang Seok) kúmis júldeni enshiledi. Bul rette aıta keterligi, Kato Djodjı eki júgirýdiń nátıjesi boıynsha osy Lı Kan Sok ıegeri bolyp tabylatyn Azııa rekordyn 0,3 seýndqa jaqsartty. Qola júldeni taǵy bir japondyq Nagashımo Keıchıro jeńip aldy. Ol chempıon otandasyna 0,43 sekýnd utylyp qaldy.
Áıelder arasynda 500 metrge júgirýden Azııa rekordyn jańartqan qytaılyq ıÝ. Djın jeńmpaz atandy. Ol ara qashyqtyqty 76,09 sekýndta júgirip ótip, otandasy Van Beısınge tıesili rekordty 0,01 sekýndqa jańartty. Al Van Beısın bolsa jerlesinen 0,44 sekýndqa qalyp qoıyp, kúmis júldeni mise tutty. Qola júlde ońtústikkoreıalyq Lı San Hvaǵa buıyrdy.
