AZIADA: Konkımen júgirýden erler arasynda óner kórsetken Qazaqstan quramasy qola júldege ıe boldy
ANA. 6 aqpan. QazAqparat /Aıdar Ospanalıev/ - 7-qysqy Azııa oıyndary aıasynda 3 myń 200 metr qashyqtyqqa konkımen júgirýden erler arasynda ótken jarysta Qazaqstan quramasy júldeli úshinshi oryndy jeńip aldy.
Esterińizge sala keteıik, Astanada ótip jatqan bul jarystan Qazaqstan quramasy atynan Aleksandr Jıgın, Aleksandr Beloýsov, Dmıtrıı Babenko óner kórsetti. Osy jarysta Japonııa quramasynyń atynan shyqqan Hırako Hırok, Nakamýra Shota, Morı Tepeı 3 myń 200 metr qashyqtyqty 3 mınýt 49,18 sekýndta júgirip ótip, Azııanyń jańa rekordyn bekitti jáne jarystyń jeńimpazdary atandy. Al jarys jeńimpazdarynan 0,03 sekýndqa keshigip kelgen Ońtústik Koreıa quramasynyń ókilderi Lı Ke Hıýk, Mo Te Bým jáne Lı Syn Hýn júldeli ekinshi orynǵa taban tiredi. Sondaı-aq básekeni 3 mınýt 49,56 sekýndta aıaqtaǵan elimizdiń quramasy úshinshi oryndy aldy.
