AZIADA: Konkımen júgirýden áıelder arasyndaǵy jarysta Qazaqstan quramasy júldeli oryndarǵa ilige almady
ASTANA. 6 aqpan. QazAqparat /Aıdar Ospanalıev/ - 7-qysqy Azııa oıyndary aıasynda Astanada ótken konkımen júgirýden áıelder arasyndaǵy jarysta Qazaqstan quramasy júldeli oryndarǵa ilige almady.
Esterińizge sala keteıik, búgingi jarysqa Qazaqstan quramasy atynan Olga Jıgına, Tatıana Sokırko, Ekaterına Aıdova óner kórsetken bolatyn. Nátıjesinde sportshy qyzdarymyz tórtinshi orynǵa taban tiredi.
Ońtústik Koreıa komandasynyń atynan óner kórsetken Lı Djýen, No Synen jáne Pak Doen 3 myń 400 metr qashyqtyqty 3 mınýt 4,35 sekýnda júgirip ótip, jańa rekord ornatty jáne osy jarystyń jeńimpazdary atandy. Al Qytaı quramasynyń atynan shyqqan Van Feı, Fý Chýnıan, Tszı Tszıa, koreıalyq qarsylastarynan 1,58 sekýnd keıin kelip, júldeli ekinshi oryndy ıelendi. Sondaı-aq 3 myń 400 metr qashyqtyqty 3 mınýt 7,89 sekýndta aıaqtaǵan Japonııa sportshylaryna júldeli úsh oryn buıyrdy.
