Azıada: Konkımen qysqa ýaqytqa bıleý jarysynda altyn medal qytaılyq juptyń enshisinde ketti
ASTANA. 3 aqpan. QazAqparat /Gúlmıra Álıakparova/ - Búgin Astanadaǵy Respýblıkalyq velotrekte sporttyń konkımen mánerlep syrǵanaý túri boıynsha qysqa ýaqytqa bıleý jarysynda qazaqstandyq sportshy Vıktor Adonıev óziniń seriktesi Vıktorııa Kýcherenkony qıyn elementti jasaý barysynda aıdynǵa qulatyp alyp, tek tórtinshi orynǵa ornalasty.
Juptyń muz aıdynynda qulaý V.Adonıevtiń óz qımylyn durys eseptemeı, taıyp jyǵylýynan boldy. Saldarynan tóreshiler juptyń jınaǵan jalpy upaıynan 2,0 upaı shegerip tastady. Nátıjesinde otandyq sportshylar 36,22 upaımen tórtinshi orynǵa ornalasty.
Al altyn medaldy 53,11 upaı jınaǵan qytaılyq jup - Hýan Sınton (HUANG Xintong) men Chjen Sıýn (ZHENG Xun ) jeńip aldy. Kúmis medal 50,97 upaı jınaǵan japondyq jup - Rıd Ketfı (REED Cathy) men Rıd Krıstiń (REED Chris ) enshisine tıse, «qola» 50,70 upaı jınaǵan ıÝ Ksıan (Yı Xiaoyang) men Vang Chenniń (WANG Chen ) mańdaıyna buıyrdy.
Qazaqstannan keıingi sońǵy besinshi oryndy Soltústik Koreıanyń sportshylary Hon E Gıon (HONG Ye Gyong) men Cho Mın (CHOE Min ) tuıyqtady.
