AZIADA: Qazaqstannyń hokkeıden áıelder quramasy alǵashqy kezdesýin bastady
ALMATY. 28 qańtar. QazAqparat /Erbol Turymbetov/ -Almatyda Balýan Sholaq atyndaǵy sport saraıynda Azıada aıasynda shaıbaly hokkeıden KHDR men Qazaqstan áıelder quramalarynyń kezdesýi bastaldy.
Bas bapker Aleksandr Maltsev jattyqtyratyn jerlesterimizdiń bul Azıada oıyndaryndaǵy alǵashqy kezdesýi.
Aıta keteıik, 2003 jáne 2007 jyldardaǵy qysqy Azııa oıyndarynda altyn oljalaǵan Ulttyq quramamyz bıyl da bas júldeden úmitti.
Osynyń aldynda aıaqtalǵan Koreıa men Japonııa áıelder quramalarynyń kezdesýi 10:0 esebimen japondyqtardyń jeńisimen aıaqtalǵan bolatyn.
