AZIADA: Qazaqstandyq taý shańǵyshy I. Zakýrdaev Azııa oıyndarynyń kúmis júldegeri
ALMATY. 4 aqpan. QazAqparat - Ońtústik Koreıanyń sportshysy Djýn Donhen (Jung Donghyun) taý shańǵysy sportynan erler arasyndaǵy sýperkombınatsııa jarysynda altynnan alqa taǵynyp, chempıon atandy. .
Atap óterligi, sýperkombınatsııanyń birinshi túri - sýpergıgant slalomynan keıin Djýn Donhen qazaqstandyq Igor Zakýrdaevqa 0,88 sekýndqa utylyp, ekinshi orynda turǵan bolatyn. Alaıda, ushyna jalaýshalar baılanǵan jerge qadalǵan shybyqtardyń arasynan óte otyryp quldılaýdyń ekinshi kezeńinde Djýn Donhen qazaqstandyqtan ozyp ketti, sóıtip Aq Azıadanyń chempıony atandy. Jeńimpazdyń qorytyndy ýaqyty 1 mınýt 45,82 sekýnd. Odan týra 1 sekýnd qalyp qoıǵan Igor Zakýrdaev kúmis júldeni qanaǵat tutty. Qola júlde taǵy bir ońtústikkoreıalyq sportshy Kım Výsýnge (Kim Woosung) buıyrdy. Ol otandasyna 2,04 sekýnd utylyp qaldy.
