AZIADA: Qazaqstandyq hokkeıshiler Qytaılyq Taıpeıdi aıqyn basymdyqpen utyp jatyr
ANA. 3 aqpan. QazAqparat /Arman Asqarov/ - Astanadaǵy «Qazaqstan» sport kesheninde 7-Qysqy Azııa oıyndary aıasyndaǵy shaıbaly hokkeıden joǵary dıvızıon sanatynda oınap jatqan Qazaqstannyń hokkeıshileri Qytaılyq Taıpeı quramasyn aıqyn basymdyqpen utýda.
Oıynnyń birinshi kezeńi aıaqtaldy. Esep 12:0. Qarsylastardyń qaqpasyna birinshi shaıbany salǵan shabýylshy Maksım Hýdıakov, al oń jaq shabýylshy Vadım Krasnoslobodtsev úsh birdeı shaıbanyń avtory atandy. Kapıtan Talǵat Jaılaýovtyń enshisinde - bir shaıba.
Aıta keteıik, buǵan deıin Qytaılyq Taıpeı komandasy Qazaqstannyń negizgi qarsylastary - Japonııadan 18:0 esebimen, al Koreıa quramasynan 22:0 esebimen oısyraı jeńilgen bolatyn.
