AZIADA: Qazaqstan sportshylary jalpy komandalyq esepte birinshi orynda keledi
ASTANA. 31 qańtar. QazAqparat /Gúlmıra Álıakparova/ - 7-qysqy Azııa oıyndarynyń osy ýaqyttaǵy nátıjesi boıynsha, Qazaqstan komandasy birinshi orynda keledi.
Bul týraly QazAqparat Azıada uıymdastyrý komıtetiniń resmı saıtyna silteme jasap habarlaıdy.
Túski saǵat 13.00-ge deıin Qazaqstannyń ulttyq quramalary qorjynǵa barlyǵy 16 medal saldy. Onyń 6 -ýy altyn, 5 - kúmis jáne taǵy 5- qola medaldar.
Qazaqstanǵa altyn júldelerdi : sprınterlik jarystarda - Olga Novıkova, shańǵymen shapshań túsýde - Dmıtrıı Koshkın, mogýlden - Dmıtrıı Reıherd pen ıÝlııa Galysheva, jeke sprınterlik jarysta - Alekseı Poltoranın jáne shańǵymen baǵdarlaý jarysynda Mıhaıl Sorokın syılady.
Qazaqstannan keıingi ekinshi orynda japondyq sportshylar keledi. Olardyń qorjynynda átúrli qundylyqtaǵy barlyǵy 6 medal (2 - altyn, 3 - kúmis, 1 - qola) bar .
Úshinshi orynda eki medalmen - Qytaı, tórtinshi jáne besinshi oryndarda bir-bir medaldarmen Koreıa jáne Mońǵolııa sportshylary keledi.
Aıta keteıik, 7-qysqy Azııa oıyndarynda 27 memlekettiń ulttyq quramalary baq synaýda. Oıyndar sporttyń 11 túrinen ótýde. Onyń 7-ýi - Almatyda, 4- Astanada ótedi.
