AZIADA: Qazaqstan quramasynyń qorjynyna alǵashqy eki altyn medal tústi
ASTANA. 31 qańtar. QazAqparat - 7-qysqy Azııa oınydarynda Qazaqstan quramasynyń qorjynyna eki altyn medal tústi, dep habarlady Azıadanyń uıymdastyrý komıtetinen.
Búgin tańerteń shańǵymen baǵdarlaýda 7-qysqy Azıada oıyndarynyń alǵashqy medaldar jıyntyǵy sarapqa salyndy. Aǵymdaǵy jylǵy Azıadanyń alǵashqy medaliniń ıegeri sprınterlik jarysta jeńiske jetken qazaqstandyq Olga Novıkova boldy. Ol jarys jolyn 13 mınýt 4,7 sekýndta ótti. Ekinshi orynǵa qazaqstandyq sportshydan 4 mınýt 25,1 sekýndqa qalyp qoıǵan Lıý Caotın taban tiredi. Al qola júlde Qazaqstan quramasynyń taǵy bir sportshysy Evgenııa Kýzmınaǵa buıyrdy.
«Azıada oıyndarynyń alǵashqy altynyn utqanymdy áli sezingen joqpyn. Marapat tuǵyrynda sezinetin shyǵarmyn. Al jalpy jarys kúrdeli boldy. Beketterdiń birinde qatelik jiberip aldym, degenmen jyldamdyǵym kómektesti. Básekelesterden taısalǵan joqpyn. Ózimdi-ózim qolǵa aldym», - deıdi O.Novıkova.
Qazaqstanǵa Azıadanyń ekinshi altynyn Mıhaıl Sorokın áperdi. Ol da búgin Almaty oblysyndaǵy Soldat shatqalynda bastalǵan shańǵymen baǵdarlaý sprınterlik jarysynda birinshi keldi. Ol jarys jolyn 13 mınýt 31 sekýndta baǵyndyrsa, odan 1 mınýt 42,7 sekýnd qalyp qoıǵan taǵy bir qazaqstandyq sportshy Aleksandr Babenko kúmis medaldy ıelendi. Al qol júlde Mońǵolııa sportshysy Gerelt-Od Baıaraaǵa buıyrdy.
