AZIADA: Qazaqstan quramasynyń búgingi qarsylasy - Qytaılyq Taıpeı
ASTANA. 3 aqpan. QazAqparat /Arman Asqarov/ - Búgin Astanadaǵy «Qazaqstan» sport kesheninde 7- Qysqy Azııa oıyndary aıasynda shaıbaly hokkeıden joǵary dıvızıondaǵy komandalardyń arasynda kezekti oıyndar ótedi.
Birinshi kezdesýde Qazaqstannyń basty qarsylastary bolyp sanalatyn Japonııa men Koreıa komandalary ózara kúsh synasady. Osy oıynnan keıin muz aıdynyna Qazaqstan men Qytaılyq Taıpeı hokkeıshiler shyǵady. Oıyn keshki saǵat 19:00-de bastalady.
Aıta keteıik, buǵan deıin Japonııanyń hokkeıshileri Qytaılyq Taıpeı komandasyn 18:0 esebimen utsa, Koreıa quramasy Qytaılyq Taıpeıdi 22:0 esebimen oısyrata jeńgen bolatyn. Shaıbaly hokkeıden Qazaqstan quramasynyń bas bapkeri Andreı Homýtov Qytaılyq Taıpeı quramasyn bizdiń komandamyzdyń negizgi qarsylasy retinde qarastyrmaýda. Sondyqtan búgingi oıynda bizdiń hokkeıshiler jeńiske jetýi tıis. Bizdiń komanda birinshi oınyda Qytaıdy 14:1 esebimen oısyrata utqan bolatyn.
