Azıada: Qazaqstan 5 qazandaǵy jarys kúnin qalaı túıindedi
Beısenbi kúni Qazaqstan Hanchjoýdaǵy Azııa oıyndarynda 3 altyn medal jeńip alyp, týrnır kestesindegi pozıtsııasyn jaqsartty, dep habarlaıdy QazAqparat.
Sportshylarymyz bul kúni jalpy 10 júlde enshiledi: 3 altyn, 4 kúmis jáne 3 qola.
Nátıjesinde Qazaqstan medaldar kestesinde 13-orynnan 11-ge kóterildi. Osy ýaqytta el qorjynynda 61 júlde bar: 8 altyn, 15 kúmis jáne 38 qola.
Týrnırdiń absolıýtti kóshbasshysy – Qytaı, bul el sportshylary barlyǵy 333 medal (179 altyn, 99 kúmis jáne 55 qola) jeńip aldy. Ekinshi orynda 158 medalmen (44 altyn, 54 kúmis jáne 60 qola) Japonııa tur. Úzdik úshtikti Ońtústik Koreıa túıindep tur – 157 medal (33 altyn, 47 kúmis jáne 77 qola).
Qazaqstannyń aldynda Úndistan – 21-32-33 (barlyǵy – 86), Ózbekstan – 19-16-25 (60), Taıvan — 15-15-23 (53), Soltústik Koreıa 10-16-9 (35), Taıland — 10-14-27 (51), Bahreın — 10-2-5 (17) jáne Gonkong — 7-16-29 (52) ornalasqan.
Eske salaıyq, 5 qazandaǵy jarys kúni el quramasynan «altyndy» qanjyǵasyna baılaǵandar: djıý-djıtsýden Nurjan Batyrbekov, veloshabandoz Evgenıı Fedorov, karateshi Nurqanat Ájiqanov.
