Azıada qarsańyndy Astanadaǵy etnomádenı ortalyqtardyń qatysýymen «Alǵa, Qazaqstan!» atty kontsert ótip jatyr

Atap aıtqanda, qysqy Azııa oıyndaryn nasıhattaý bastamasymen bul aktsııany Ózbek etnomádenı ortalyǵy, 2011 jylǵy 7-qysqy Azııa oıyndaryn Uıymdastyrý komıtetiniń atqarýshy dırektsııasy, Astana qalasynyń ákimdigi jáne Qazaqstan halqy Assambleıasynyń qoldaýymen ótkizilýde. Bul kontsertke qalamyzdaǵy etnomádenı birlestikterdiń shyǵarmashylyq ujymdarynyń ókilderi qatysýda. Bı ansamblderi men mýzykalyq aspaptar jáne hor ujymdary, ánshiler toptary da óner kórsetedi.«Alǵa, Qazaqstan!» kontsertiniń qatysýshylary «Azıadany ótkizý - árbir qazaqstandyq úshin úlken qurmet» dep sanaıdy jáne olar óz talanttarymen Azıadaǵa qatysatyn sportshylarǵa qoldaý kórsetip, osyndaı orasan zor sharaǵa óz úlesterin qosýǵa qýanyshty.

«7-qysqy Azııa oıyndaryn ótkizý elimiz úshin jáne barlyq Qazaqstan halqy úshin qanshalyqty mándi ári mańyzdy ekendigin túsinemiz. Etnomádenı birlestikterdiń ujymdary qatysýymen ótetin kontserttik baǵdarlama - bizdiń sportshylarymyzǵa jeńis, ári jańa rekordtar jolynda qoldaý bolady degen úmittemiz», - deıdi sharanyń uıymdastyrýshylary.