Azıada qarsańynda Qazaqstanda kóptegen biregeı sport nysandary boı kóterdi, bul - Azıadany eń joǵary deńgeıde uıymdastyrylyp otyrǵanyn kórsetedi-Halyqaralyq olımpıadalyq komıtettiń prezıdenti Jak Rogge
ASTANA. 30 qańtar. QazAqparat - Elbasy Nursultan Nazarbaev Halyqaralyq olımpıadalyq komıtettiń prezıdenti Jak Roggeni qabyldady, dep habarlady Aqordadan.
Kezdesýde ekijaqty ózara is-qımyl máseleleri jáne Qazaqstanda sporttyń joǵary jetistikterin damytýdyń jaı-kúıi talqylandy.
Jak Rogge qysqy Azııalyq oıyndardyń joǵary halyqaralyq deńgeıde ótkizilip otyrǵanyna alǵysyn bildirdi.
- Azıada qarsańynda Qazaqstanda kóptegen biregeı sport nysandary boı kótergenin aıtyp ótkim keledi. Bul, Azıadanyń eń joǵary deńgeıde uıymdastyrylyp otyrǵanyn kórsetedi. Prezıdentpen bolǵan áńgime barysynda biz sondaı-aq 2022 jylǵy qysqy Olımpıadalyq oıyndardy Qazaqstanda ótkizý múmkindigin de talqyladyq, - dedi J.Rogge jýrnalısterge bergen brıfıngte.
