Azıada: Qalyń tuman saldarynan bıatlonnan áıelder arasyndaǵy 15 shaqyrymdyq jekeleı syn jarysy toqtatyldy
ALMATY. 3 aqpan. QazAqparat. /Erbol Azanbek/ - 7-Qysqy Azııa oıyndarynyń baǵdarlamasyna sáıkes, búgin Almaty oblysynyń Soldat shatqalyndaǵy shańǵy-bıatlon stadıonynda bastalǵan bıatlonnan áıelder arasyndaǵy 15 shaqyrymdyq jekeleı syn jarysy qalyń tumannyń saldarynan toqtatyldy.
Uıymdastyrýshylar soqyr tumanǵa qaramastan, jarysty bastaýǵa ruqsat bergen bolatyn. Alaıda qalyń tuman bıatlonshy qyzdarǵa nysana kózdeýge kedergi keltirgendikten, jarysty toqtatý týraly sheshim qabyldandy. Ázirge jarystyń qaı kúnge aýystyrylǵany belgisiz.
Aıta keteıik, áıelder arasyndaǵy 15 shaqyrymdyq jekeleı synǵa Qazaqstan, Qytaı, Koreıa, Japonııa memleketteriniń árqaısynan eki-ekiden segiz bıatlonshy qatysady. Bul synda Qazaqstan namysyn Marına Lebedeva men Elena Hrýstaleva qorǵaıdy.
