AZIADA: Hokkeıden Taılandtyń quramasy Bahreınnen basym tústi
ASTANA. 30 qańtar. QazAqparat /Arman Asqarov/ - Keshe, 29 qańtar kúni Astanadaǵy «Barys» sport kesheninde shaıbaly hokkeıden erler arasynda ótken premer-dıvızıon sanatyndaǵy kezekti kezdesýde Bahreın men Taılandtyń quramalary ózara synǵa tústi.
Oıynnyń nátıjesi boıynsha Taıland eliniń hokkeıshileri Bahreınniń quramasyn 29:0 esebimen oısyrata utty. Osymen Taıland alǵashqy jeńiske jetti. Buǵan deıin ol komanda Qyrǵyzstanmen kezdesip, 4:15 esebimen utylǵan bolatyn. Bahreın bolsa, birinshi kezdesýinde Malaızııadan 0:25 esebimen jeńilgen edi.
Endi, 31 qańtar kúni Taıland Kýáıt quramasymen kezdesse, Bahreın Birikken Arab Ámirlikteriniń hokkeıshilerimen oınaıtyn bolady.
