Azıada: Hokkeıden Ońtústik Koreıa qyzdar quramasy KHDR quramasyna jol berdi
ALMATY. 1 aqpan. QazAqparat /Erbol Turymbetov/ - Aq Azıada aıasynda búgin Almatydaǵy Balýan Sholaq atyndaǵy sport saraıynda hokkeıden áıelder komandalary arasyndaǵy oıynda KHDR men Ońtústik Koreıa hokkeıshileri kezdesti. Onda 6:1 esebimen KHDR hokkeıshileri jeńiske jetti.
Kezdesýdiń birinshi kezeńinde Soltústik Koreıa quramasy basymdyq tanytty. 8-mınýtta olar esep ashqanymen (O. Ok), 9-mınýtta Ońtústik Koreıa hokkeıshisi K. Lı esepti teńestirdi. Alaıda, 2 mınýttan soń, KHDR oıynshylary ekinshi shaıbalaryn soqty (S. Rıı).
Al ekinshi kezeńde KHDR quramasy basymdyqty óz qoldaryna alyp, jaýapsyz 2 shaıba soqty. 27 jáne 37 mınýttarda 15 nómirli S. Von men men 12 nómirli O. Ok kózge tústi.
Dál osy nátıje úshinshi kezeńde de qaıtalandy. 48-mınýtta KHDR quramasy sapynan 6 nómirli B. Ros jáne 52 mınýtta 7 nómirli H. Rııýlar bir-birden shaıba soqty.
Kezdesý nátıjesi 6:1, KHDR paıdasynda.
Endi KHDR quramasy erteń Japonııamen baq synasady. Al Ońtústik Koreıa quramasy 7-Qysqy Azııa oıyndaryndaǵy bar kezdesýin jeńilispen aıaqtady.
