Azıada: Hokkeıden Qytaıdyń áıelder quramasy Soltústik Koreıanyń hokkeıshilerin 8:1 esebimen jeńdi
ALMATY. 29 qańtar. QazAqparat -/Aıgúl Turysbekova/ - 7-Qysqy Azııa oıyndarynyń aıasynda Almatydaǵy Balýan Sholaq atyndaǵy sport saraıynda ótip jatqan shaıbaly hokkeıden áıelder komandalary arasyndaǵy jarysta Qytaı Halyq Respýblıkasynyń quramasy Koreıa Halyqtyq Demokratııalyq Respýblıkaynyń quramasyn 8:1 esebimen jeńdi.
Esepti birinshi bolyp QHR hokkeıshileri ashty, olar alǵashqy shaıbany oıynnyń 12-mınýtynda soqty. Alaıda soltústik koreıalyq hokkeıshiler jaýap shaıba soǵyp, birinshi kezeń 1:1 esebimen teń aıaqtaldy. Ekinshi kezeńdi qytaılyq hokkeıshiler oıyn tizginin qoldaryna alyp, qarsylastarynyń qaqpasyna jaýapsyz 4 shaıba saldy. Úshinshi kezeńde QHR hokkeıshiler taǵy úsh shaıba soqty. Sóıtip oıyn 8:1 esebimen QHR quramasynyń paıdasyna sheshildi.
