AZIADA: Hokkeıden Qazaqstannyń áıelder quramasy KHDR quramasyn 3:0 esebimen jeńdi
ALMATY. 29 qańtar. QazAqparat /Erbol Turymbetov/ - Almatyda Balýan Sholaq atyndaǵy sport saraıynda ótip jatqan jarysta shaıbaly hokkeıden Qazaqstannyń áıelder quramasy keshe KHDR quramasyn 3:0 esebimen tize búktirdi.
Oıynnyń birinshi bóliginiń 8 mınýtynda Qazaqstan quramasynyń 19 nómirdegi oıynshysy Natalıa ıAkovchýk esep ashqan bolatyn.
Ekinshi kezeńde komandalar teń oınady.
Úshinshi kezeńdi qarqyndy bastaǵan jerlesterimiz 42 mınýtta qarsylastar qaqpasyna ekinshi shaıbany saldy. Gol ıesi Olga Konysheva. Budan soń basymdylyqty qoldan bermegen Ulttyq qurama qyzdary araǵa 10 mınýt salyp Qazaqstan paıdasyna úshinshi shaıbany soqty. Olga Potapovadan pas alǵan Zarına Toqtıeva 52 mınýtta esepti 3:0 jetkizip, kezdesýdiń sońǵy núktesin qoıdy.
Qazaqstan áıelder quramasy endigi oıynyn búgin keshke Balýan Sholaq atyndaǵy sport saraıynda Koreıa quramasymen ótkizedi. Al saǵat 14:30-da Japonııa men KHDR quramalary baq synasady.
