Azıada: Frıstaıldan akrobatıka boıynsha áıelder arasyndaǵy aqtyq saıystar bastaldy

Oǵan Qytaıdan 2, Mońǵolııadan 2 sportshy qatysýda, al el namysyn Jibek Arapbaeva men Aqmarjan Qalmurzaeva qorǵaýda.

Frıstaıl - bul shańǵy baleti, áýe (shańǵy) akrobatıkasy jáne mogýldan turatyn taý shańǵysy kópsaıysy. Shańǵy baletinde sportshy mýzykalyq súıemeldeýmen syrǵanaý, adymdaý, aınalý, sekirý elementterin kórsete otyryp, jatyq bókter boıynsha quldılaıdy. Áýe (shańǵy) akrobatıkasynda sportshylar arnaıy pishilgen tramplınnen kúrdeliligi ártúrli sekirý men saltolardyń toptamasyn jasaıdy.

Sportshylardyń upaılar sany ornynan qozǵalý tehnıkasyna, ushý bıiktigi jáne uzyndyǵyna, akrobatıkalyq elementti oryndaý sapasyna, jerge qoný tehnıkasyna qarap eseptelinedi. Jeńimpaz eki ret sekirgeni úshin jınaǵan baldarynyń somasy boıynsha anyqtalady.

Frıstaıldyń akrobatıkasy 1994 jyldan bastap qysqy Olımpıada oıyndarynyń baǵdarlamasyna qosylǵan.