Azıada: Erler arasyndaǵy frıstaıldan akrobatıka jarysynda jerlesimiz R. Áblıatıfov qola medaldy jeńip aldy
ALMATY. 1 aqpan. QazAqparat /Ádilet Musahaev/ - 7-Qysqy Azııa oıyndary aıasynda Almatyda ótip jatqan frıstaıldan erler akrobatıkasy jarysynda otandasymyz Rýslan Áblıatıfov qola medaldy jeńip aldy.
Bul jarystyń bas júldesin 220,70 upaı jınaǵan qytaılyq Songıang Jıa (Zongyang Jia) jeńip alyp, chempıon atandy. Onyń jerlesi Shongkýıng Lıý (Zhongqing Liu) 210,16 upaı jınap kúmis medalǵa qol jetkizdi. Al otandasymyz Rýslan Áblıatıfov 180,30 upaı kórsetkishimen qola medaldy enshiledi. Taǵy bir jerlesimiz Sergeı Berestovskıı 150,03 upaımen tórtinshi orynǵa taban tiredi.
