Azıada: Elena Hrýstalevanyń medali áli alda -Bıatlonnan bas bapker
ALMATY. 31 qańtar. QazAqparat /Erlik Erjanuly/ - 7-qysqy Azııa oıyndary aıasynda búgin Almatyda bıatlonnan áıelder arasynda 7,5 shaqyrymdyq sprınt jarysy ótip, onda el namysyn qorǵaǵan Vankýver olımpıadasynyń kúmis júldegeri Elena Hrýstaleva 2-oryn alǵan bolatyn.
QR Bıatlon quramasynyń bas jattyqtyrýshysy Aleksandr Tkachýk búgin Aq Azıadanyń baspasóz ortalyǵynda ótken máslıhatta osy júldege qatysty oıyn bylaı bildirdi: «Búgingi jarystaǵy qytaılyq sportshynyń jeńisi kezdeısoq emes. Ol oǵan ábden laıyq. Elena Hrýstaleva 15 shaqyrymda myqty. Ol osy qashyqtyqta Vankýver Olımpıadasynda kúmis júldeger atandy. Sondyqtan onyń altyn medali áli alda».
Onyń aıtýynsha, búgingi jarystaǵydaı olar aldaǵy ýaqytta da árbir medal úshin barlyq kúsh-jigerin salyp talaspaq. "Myna sprtshy jarysta jeńedi dep aıtý qıyn. Áý basta birden qara úzip shyqqan sporshyny sońǵy kele jatqan shabandozdyń basyp ozýy da ábden múmkin. Óıtkeni onda shańǵymen jyldam júgirýden bólek nysanany múlt jibermeı dál kózdeı alýdan basqa óz erik-jigerin tizgendeı bilý de úlken rol atqarady",- deıdi ol.
