Azıada: Dzıýdodan Qazaqstannyń áıelder quramasy 3 júlde alýdy josparlap otyr

ASTANA. QazAqparat - Djakartada ótetin XVIII Azııa oıyndarynda dzıýdodan Qazaqstan áıelder ulttyq qurama komandasy 3 júlde alýdy josparlap otyr. Bul týraly Qazaqstan áıelder ulttyq qurama komandasynyń bas bapkeri Marat Danaıbaev málim etti, dep habarlaıdy QazAqparat.

«Qazirgi tańda dzıýdodan áıelder quramasy Azııa oıyndary aldyndaǵy sońǵy oqý-jattyǵý jıyndaryna daıyndalýda. Ádettegideı, Azııa oıyndaryna qatysýshylar 2018 jyldaǵy resmı jarystardaǵy kórsetkishterine qaraı jasaqtaldy. 7 salmaq boıynsha tatamıde kúresetin qyzdar quramasyna 1 altyn jáne 2 qola júldeni josparlap otyrmyz», - dedi Marat Danaıbaev.
Aıta keteıik, Djakartada Azııa oıyndary 18 tamyz ben 2 qyrkúıek arasynda ótedi. Al tatamı sheberleri 29 tamyz ben 1 qyrkúıek aralyǵynda ózara myqtyny anyqtaıdy. Dzıýdodan Qazaqstan Ulttyq qurama komandasy 25 tamyzda Astana qalasynan Djkartaǵa Azııa oıyndaryna attanady.