AZIADA: Dopty hokkeıden Mońǵolııa quramasy Qyrǵyzstandy 17:2 esebimen utty
ALMATY. 2 aqpan. QazAqparat /Erbol Azanbek/ - 7-Qysqy Azııa oıyndarynyń baǵdarlamasyna sáıkes, búgin Almatydaǵy "Medeý" bıik taýdaǵy muz aıdynynda dopty hokkeıden aldyn-ala oıyndar bastaldy.
Betashar matchta Mońǵolııa men Qyrǵyzstan quramalary kezdesti. Bul kezdesýde Mońǵolııalyq bendıshiler qyrǵyzstandyqtardy 17:2 esebimen tas-talqan etip utty. Birinshi kezeńniń ishinde qyrǵyzstandyqtardyń qaqapasyna jaýapsyz 13 dop soǵyldy. Ekinshi kezeńde mońǵolııalyqtar taǵy tórt dop soqty. Olardyń bul ekpinine Qyrǵyzstan quramasynyń oıynshylary bar-joǵy eki doppen ǵana jaýap qaıtara aldy.
Match bastalar aldynda "Medeý" muz aıdynynda Halyqaralyq bendı federatsııasynyń (FIB) týyn onyń prezıdenti Borıs Krynnık Almaty ákimi Ahmetjan Esimovke saltanatty jaǵdaıda tabys etti. Aıta keteıik, 2012 jyly "Medeýde" dopty hokkeıden álem chempıonaty ótetin bolady.
