Azıada: búgin bes qazaqstandyq sharshy alańǵa shyǵady
30 qyrkúıekte Hanchjoýda (Qytaı) ótip jatqan Azııa oıyndarynda Qazaqstannyń bes boksshysy óner kórsetedi, dep habarlaıdy QazAqparat Sports.kz-ke silteme jasap.
Kúndizgi sessııada qazaqstandyqtardyń qatysýymen eki jekpe-jek ótedi. 54 kelige deıingi salmaqta áıelder arasyndaǵy shırek fınalda Jaına Shekerbekova úndistandyq Prıtımen kezdesedi, jekpe-jek Astana ýaqytymen 12:00-de bastalady.
Saǵat 14:30-da 92 keliden joǵary salmaqta erler arasynda shırek fınaldyq jekpe-jek ótedi: Qamshybek Qońqabaev Bahreın ókili Danıs Latypovpen judyryqtasady. Bul jekpe-jekterdiń tikeleı translıatsııasyn Qazaqstan telearnasynan kórýge bolady.
Keshki sessııada qazaq boksshylarynyń qatysýymen úsh jekpe-jek bolady. Saǵat 17:30-da 75 kelige deıingi áıelder arasyndaǵy shırek fınalda Valentına Halzova qytaılyq Tsıan Lımen kezdesedi.
Saǵat 18:45-te erler arasynda 57 kelige deıingi salmaqta 1/8 fınaldyq jekpe-jek bastalyp, Mahmud Sabyrhan soltústikkoreıalyq O Te Beommen qolǵap túsıistiredi.
Saǵat 19:15-te Qazaqstan quramasynyń kapıtany Aslanbek Shymbergenov 71 kelige deıingi salmaqta ózbek boksshysy Asadhýja Mýıdınhýdjaevpen shırek fınaldyq kezdesý ótkizedi. Bul jekpe-jekterdiń tikeleı translıatsııasyn Qazsport telearnasynyń saıtynda kórýge bolady.
