AZIADA: Búgin shaıbaly hokkeıden Qazaqstannyń erler quramasy Aq Azıadadaǵy jarysyn bastaıdy

Bizdiń komanda Aq Azıadadaǵy alǵashqy oıynyn Qytaı quramasymen kezdesýden bastaıdy. Osy kúni Japonııa-Koreıa, Malaızııa-Qyrǵyzstan, BAÁ--Kýveıt komandalary ózara kezdesedi. Oıyndar elordada ótedi. Sonymen qatar Astanada konkımen júgirý sportynan áıelder 500 metrge, erler 500 metrge, short-trekten áıelder 500 metrge, erler 500 metrge jarysady.

Al Almatydaǵy "Shymbulaq" taý shańǵysy bazasynda erler arasynda sýpergıgant jáne áıelderdiń arasynda sýpergıgant jarystary ótedi. Buǵan qosa "Tabaǵan" sporttyq-saýyqtyrý kesheninde áıelder akrobatıkasy jáne erler akrobatıkasy syndary bolady. Al Balýan Sholaq atyndaǵy sport saraıynda hokkeıden áıelder komandalary arasynda ótetin jarysta Soltústik Koreıa-Koreıa jáne Qytaı-Japonııa quramalary oınaıdy. Soldat shatqalyndaǵy Shańǵy-bıatlon stadıonynda áıelder1,2 shaqyrymdyq komandalyq sprıntten , al erler 1,6 shaqyrymdyq komandalyq sprıntten synǵa túsedi. Sonymen qatar osy stadıonda erler 10 shaqyrymdyq sprıntten jarys jolyna shyǵady. Medeý» bıik taýdaǵy muz aıdynynda dopty hokkeıden aldyn ala oıyndar ótedi.