Azıada: Búgin Astana men Almaty qalalarynda birqatar sport túrlerinen jarystar ótedi

Atap aıtqanda, Astanada konkımen júgirý sportynan áıelder 3000 metrge, erler 5000 metrge, short-trekten áıelder 1500 metrge, erler 1500 metrge jarysady. Sonymen qatar elordada hokkeıden erler komandalary arasynda kezdesýler ótedi. Taıpeı-Koreıa, Qytaı-Japonııa, BAÁ-Bahreın, Mońǵolııa-Qyrǵyzstan, Taıland-Kýveıt komandalary ózara kezdesedi.

Al Almatydaǵy "Shymbulaq" taý shańǵysy bazasynda erlerdiń jyldam quldılaýy jáne áıelderdiń jyldam quldılaýy jarystary ótedi. Buǵan qosa "Tabaǵan" sporttyq-saýyqtyrý kesheninde frıstaıldan irikteý syny ótip, sońynan mogýldan áıelder jáne mogýldan erler arasynda saıystar bolady. Sondaı-aq Almatydaǵy Halyqaralyq shańǵymen tuǵyrdan sekirý kesheninde bıiktigi 125 (K-125) metr tuǵyrdan sekirýden jekeleı syn ótedi. Al Balýan Sholaq atyndaǵy sport saraıynda hokkeıden áıelder komandalary arasynda ótetin jarysta Qytaı-Koreıa jáne Qazaqstan-Japonııa quramalary oınaıdy. Soldat shatqalyndaǵy Shańǵy-bıatlon stadıonynda 1,2 shaqyrymdyq sprıntten áıelder, al 1,6 shaqyrymdyq sprıntten erler arasynda jarystar bolady. Sonymen qatar osy stadıonda áıelder 7,5 shaqyrymdyq sprıntten synǵa túsedi. Buǵan qosa shańǵymen baǵdarlaýdan erlerdiń jáne áıelderdiń sprınt jarystary ótedi.