Azıada: Bıiktigi 95 metrlik tuǵyrdan sekirýdiń birinshi kezeńinen keıin jerlesimiz Evgenıı Levkın kósh bastady
ALMATY. 4 aqpan. QazAqparat /Nazıra Eleýhan/ - 7-Qysqy Azııa oıyndary aıasynda búgin Almatydaǵy Shańǵymen tuǵyrdan sekiretin halyqaralyq keshende bıiktigi 95 metrlik tuǵyrdan sekirýden jekeleı syn jarystary ótýde.
Birinshi kezeńniń qorytyndysy boıynsha qazaqstandyq qanatty shańǵyshy Evgenıı Levkın 128,5 ball jınap, kósh bastady. Ol 102 metr qashyqtyqqa sekirdi. Ekinshi orynda bıiktigi 125 metr tuǵyrdan sekirýden chempıon atanǵan japonııalyq Kazýıa Iosıoka (Kazuya Yoshioka) keledi. Ol da 102 metr qashyqtyqqa sekirdi, alaıda tehnıkasy úshin jerlesimizge qaraǵanda az upaı aldy, onyń enshisinde qazir 125,5 ball bar. Taǵy bir qazaqstandyq sportshy Radık Japarov úshinshi orynǵa ornalasty. 101 metr qashyqtyqqa sekirgen ol Kazýıa Iosıokaǵa 0,5 ball utylýda. Bul jarystaǵy sekirýshilerdiń ishindegi favorıtterdiń biri - jerlesimiz Nıkolaı Karpenko ázirshe tórtinshi orynda tur. Jarysqa barlyǵy 11 sportshy qatysýda. Jalpy bul jarysqa Qazaqstannan - 6 , Japonııadan - 2, Qytaıdan -1, al Koreıadan - 2 sportshy qatysýda.
Aıta keteıik, sportshylardyń óneri - sekirý qashyqtyǵyna jáne onyń ádemi oryndalýyna baılanysty baǵalandy. Oǵan 5 tóreshi 20 ballǵa deıingi oryndaý stıli jáne arnaıy keste boıynsha sekirýdiń qashyqtyǵyna baǵa beredi.
