AZIADA: Bıatlonshy A. Chervıakov Qazaqstan qorjynyna 10-altyn medaldi saldy
ALMATY. 1 aqpan. QazAqparat /Marlan Jıembaı/ - Qazaqstandyq bıatlonshy Aleksandr Chervıakov erler arasyndaǵy 10 shaqyrymǵa sozylǵan sprınttik jarysta máre syzyǵyn birinshi bolyp qıyp, 7-Qysqy Azııa oıyndarynyń chempıony atandy.
Jerlesimiz nysana kózdeý kezinde 2 márte múlt ketkendigine qaramastan, sońǵy shaqyrymdarda jyldamdyǵyn údetip, kómbegen 29 mınýt 06,1 sekýndta keldi. Sóıtip Qazaqstan quramasynyń qorjynyna 10-altyn medaldi saldy. Bul synda kúmis júldeni qytaılyq bıatlonshy Ren Lon , al qola medaldi japondyq bıatlonshy Djýndjı Nagaı ıelendi. Jarys Almaty oblysynyń "Soldat" shatqalyndaǵy shańǵy-bıatlon stadıonynda ótti.
Qazirgi tańda Qazaqstan qorjynynda 10 altyn, 10 kúmis, 7 qola medal bar. Bizdiń komanda beıresmı jalpykomandalyq esepte 1-orynda keledi.
