AZIADA: Bıatlonshy A. Chervıakov izge túsý jarysynda chempıon atanyp, Qazaqstan qorjynyna 11-altyn medaldi saldy
rat /Erbol Turymbetov/ - Búgin qazaqstandyq bıatlonshy Aleksandr Chervıakov erler arasyndaǵy 12,5 shaqyrymdyń izge túsý jarysynda jeńimpaz atanyp, 7-Qysqy Azııa oıyndarynda Qazaqstan quramasynyń qorjynyna 11-altyn medaldi saldy.
Jerlesimiz ara qashyqtyqty 35 mınýt 42,8 sekýndta eńserdi. Bizdiń bıatlonshdyna 34,4 sekýndqa qalyp qoıǵan japondyq Nagaı Dzýdzı (Nagai Junji) kúmis júldeger atandy. Qola júldeni qytaılyq Jen Lon (Ren Long)ıelendi.
Aıta keteıik, Aleksandr Chervıakov keshe ótken erler arasyndaǵy 10 shaqyrymǵa sozylǵan sprınttik jarysta máre syzyǵyn birinshi bolyp qıyp, 7-Qysqy Azııa oıyndarynyń chempıony atanǵan bolatyn. Bıatlon jarysynń erejesine sáıkes, ol búgingi jarys jolyna keshe ekinshi oryn alǵan Jen Lonǵa qaraǵanda 6 sekýnd buryn shyqty. Jarys joly tórt atý kezeńinen turdy. Jerlesimiz birinshi atý kezeńinde nysanany bir márte dál kózdeı almaǵanymen, ekinshi atý kezeńinde barlyq oǵyn daryta aldy. Úshinshi atý kezeńinde nysanany úsh márte, al tórtinshi atý kezeńinde bir márte dál kózdeı almady. Biraq osyǵan qaramastan A. Chervıakov máre syzyǵyn birinshi bolyp qıdy. Onyń basty qarsylastary Nagaı Dzýdzı men Jen Lon da birneshe márte nysanany dál kózdeı almaǵandyqtan, jerlesimizdi basyp oza almady. Sóıtip olar kúmis jáne qola júldelerdi mise tutty.
