Azıada: Áıelder arasyndaǵy shaıbaly hokkeıden Qazaqstan men Qytaı quramalary kezdesýde
ALMATY. 3 aqpan. QazAqparat /Erbol Turymbetov/ - 7-Qysqy Azııa oıyndary aıasynda osy sátterde Almatydaǵy Balýan Sholaq atyndaǵy sport saraıynda shaıbaly hokkeıden Qazaqstan men Qytaıdyń áıelder quramalary arasynda kezdesý ótip jatyr.
Matchtyń birinshi kezeńi aıaqtaldy. Esep 1:0, bizdiń hokkeıshiler jeńip jatyr. Shaıbanyń avtory - Elena Shtelmaıster. Bul Qazaqstan quramasynyń Aq Azıada aıasyndaǵy sońǵy oıyny. Eger de bizdiń komanda osy matchta jeńiske jetip jatsa, Azııa oıyndarynyń chempıony atanady. Qazaqstan quramasy Azıada aıasyndaǵy buǵan deıin ótkizgen barlyq kezdesýlerinde jeńiske jetti. Atap aıtqanda bizdiń komanda Ońtústik Koreıa, Soltústik Koreıa, Japonııa quramalarynan basym tústi.
