AZIADA: Astanada shaıbaly hokkeıden erler arasyndaǵy jarystar jalǵasýda
ASTANA. 31 qańtar. QazAqparat /Arman Asqarov/ - Búgin Astanadaǵy «Barys» sport kesheninde 7-qysqy Azııa oıyndary aıasynda shaıbaly hokkeıden erler komandalary arasyndaǵy jarystar jalǵasýda.
Búgin Birikken Arab Ámirlikteri memleketiniń qurama komandasy Bahreınmen, Mońǵolııa - Qyrǵyzstanmen kezdesedi. Taıland pen Kýáıt komandalary ózara synǵa túspek.
Premer-dıvızıon sanatyndaǵy atalǵan úsh oıynnyń ishinde Mońǵolııa men Qyrǵyzstannyń kezdesýi qyzyqty ótedi degen boljam bar. Sebebi atalǵan eki komanda buǵan deıingi kezdesýlerin jeńispen aıaqtady. Qyrǵyzstan Taıland pen BAÁ-nyń hokkeıshilerin aıqyn basymdyqpen jeńse, Mońǵolııa quramasy Kýáıt komandasyn utqan bolatyn.
