AZIADA. Almatydaǵy aýa-raıynyń qolaısyzdyǵyna baılanysty birqatar jarystar erteńge aýystyryldy
ASTANA. 3 aqpan. QazAqparat - Aýa-raıynyń qolaısyzdyǵyna baılanysty 7-Qysqy Azııa oıyndarynyń baǵdarlamasyna sáıkes búgin Almatyda ótkizilýi tıis birqatar jarystar 4 aqpanǵa aýystyryldy, dep habarlaıdy Azıadanyń resmı saıty.
Taratylǵan málimetterge qaraǵanda, bıatlonnan jarysty uıymdastyrýshylar Soldat shatqalyndaǵy tumannyń qalyńdyǵynan bıatlonnan áıelder arasyndaǵy 15 shaqyrymdyq jekeleı syn jarysyn toqtatý týraly sheshim qabyldaǵan. Bul jarysty erteń saǵat 11:00-de bastaý josparlanyp otyr. Sondaı-aq taý shańǵysy sportynan «Shymbulaq» taý shańǵysy bazasynda ótkizilýi tıis erler arasyndaǵy sýperkombınatsııa jarysy da jumaǵa aýystyryldy. "Qar jaýǵanyna baılanysty búgin ótkizilýge tıis jarystar erteńge qaldyryldy. Osy sebepten, erteń erler arasynda da, áıelder arasynda da báseke ótkizý josparlanyp otyr",- degen atalǵan sport boıynsha jarys dırektory Igor Gaıanov.
