Azıada Alaýynyń tuǵyry arnaıy murajaıda saqtalýy múmkin
ASTANA. 28 qańtar. QazAqparat /Arman Asqarov/ - 7-Qysqy Azııa oıyndary Alaýynyń tuǵyry Azıada ótkennen keıin arnaıy murajaıda saqtalýy múmkin. Bul týraly Azıadanyń Alaý estafetasy dırektsııasy jetekshisiniń orynbasary Sársen Quranbek aıtty.
Onyń habarlaýynsha, Azııanyń Olımpıada keńesi ornalasqan Ál-Kýveıt qalasynan kelgen Alaýdyń Qazaqstandaǵy estafetanyń jalpy qashyqtyǵy 8 myńǵa jýyq shaqyrymdy qurady. «Al 7-Qysqy Azııa oıyndary ótkennen keıin Azıada alaýynyń tuǵyry arnaıy murajaıda saqtalýy múmkin. Ol másele qazir talqylanýda. Ony biz aqpannyń 7-si kúni jarııa etetin bolamyz», - deıdi S.Quranbek.
Alaý estafetasy derektsııasy jetekshisiniń orynbasary atap kórsetkendeı, Alaý estafetasynyń negizgi maqsaty - Azııa oıyndarynyń ıdeıasyn barlyq qazaqstandyqtarǵa jetkizý jáne osy aýqymdy jobaǵa barlyq azamattardy tartý. «Al, eń bastysy, estafeta arqyly biz Qazaqstan halqyn birlik-yntymaqqa shaqyryp, salaýatty ómir saltyna úndeýge tyrystyq. Bul oıymyz iske asty dep bilemiz», - dep atap kórsetti S.Quranbek.
