Azıada alaýynyń estafetasy qazaqstandyqtardyń zor yqylasyn aýdardy - Naıl Nurov
QARAǴANDY. 28 qańtar. QazAqparat /Valentına Elızarova/ - Azıada alaýynyń estafetasy qazaqstandyqtardyń zor yqylasyn aýdardy,
bul sharanyń sátti ótkenin aıta alamyz. Bul týraly 7-Qysqy Azııa oıyndaryn jáne Alaý estafetasyn ótkizý jónindegi dırektsııanyń jetekshisi Naıl Nurov 27 qańtarda Azıada alaýy jetkizilgen Qaraǵandy qalasynda, baspasóz máslıhatynda málim etti.
«Biz búgin estafetanyń sońǵy aıaldamasynyń aldyndaǵy márege jettik. Jalpy estafeta sátti ótti dep aıta alamyz. Halyqtyń Azııa oıyndaryna jáne Alaý estafetasyna degen yqylasy zor. Azıada Alaýyn ár óńirde 100 myńdaı qazaqstandyq qarsy aldy», - deıdi N.Nurov.
Onyń aıtýynsha, estafetanyń úzdik uıymdastyrǵan oblysty anyqtaý dırektsııaǵa qıynǵa túspek. «Barlyq aımaq tamasha daıyndalǵan. Estafetany uıymdastyrýǵa barlyq múmkindikterin jumsaǵan», - deıdi dırektsııa basshylyǵy.
Esterińizge sala keteıik, 7-Qysqy Azııa oıyndarynyń alaýy 2011 jyly Kýáıtte jaǵylǵan bolatyn. Alaý kelesi kúni, 12 qańtarda áýe reısimen Almatyǵa jetkizildi. Azıada alaýynyń estafetasy sol jerden bastalyp, respýblıka qalalaryn aralap keledi. Qaraǵandy men Temirtaýdan keıin estafeta Astanaǵa beriledi. Al erteń, 30 qańtarda «Astana-Arena» stadıonynda Azıadanyń ashylý rásimi bolady.
7-Qysqy Azııa oıyndary 30 qańtar men 6 aqpan aralyǵynda Astana jáne Almaty qalalarynda ótedi.
