Azıada alaýynyń estafetasy buqaralyq sportty damytýǵa serpin beredi - Shymkent
ShYMKENT. 14 qańtar. QazAqparat /Tatıana Pylaeva/ - Búgin, 14 qańtar kúni Shymkent qalasy jetinshi qysqy Azııalyq oıyndardyń Alaý estafetasyn ótkizdi. 60 alaýger Azıada alaýyn qala kóshelerimen alyp ótti.
«Olar - oblysymyzdyń sporty men ekonomıkasyna aıtýly úlesterin qosyp otyrǵan sportshylar, jattyqtyrýshylar, óndiris ekpindileri, zııaly qaýym ókilderi»,- dep atap kórsetti Shymkentte Alaý estafetasyn uıymdastyrý komıtetiniń tóraǵasy Álı Bektaev.
Qurmetti alaýgerlerdiń qatarynda Sıdneıdegi Olımpıadalyq oıyndardyń kúmis júldegeri, boksshy Muhtarhan Dildábekov, Azııanyń eki dúrkin absolıýttik chempıony, Azııalyq oıyndardyń chempıony, Qazaqstannyń on dúrkin chempıony, gımnastshy Álııa Júsipova, grek-rım kúresinen Álem kýbogynyń tórt dúrkin ıegeri Besolt Detsıev, sambodan álemniń eki dúrkin chempıony Leonıd Prıkazchıkov, t.b. bar.
Estafetany uıymdastyrýshylar, bul shara men Azııalyq oıyndardyń ózi qazaqstandyqtardyń sportpen shuǵyldanýyna úles qosatyn bolady dep sanaıdy.
Estafeta Ordabasy alańynda sórege jetip, Taıqazan túrinde jasalǵan úlken alaý tutandyryldy. Odan keıin Alaý estafetasy dırektsııasy basshysynyń orynbasary Sársen Quranbek Ońtústik Qazaqstan oblysynyń ákimi Asqar Myrzahmetovke eskertkish syılyq retinde Azııalyq oıyndardyń shyraǵyn tabys etti. Erteń Alaý estafetasyn Qyzylorda qalasy qabyldaıdy.
