Azıada alaýyna 1,3 mıllard teńge jaratylady
ASTANA. Aqpannyń 1-i. QazAqparat - Ótken aptada Almaty qalasy ákimdiginde ótken keńeste 2011 jylǵy Qysqy Azııa oıyndary dırektsııasynyń dırektory Sultan Shoqpytov olıpıadalyq alaý estafetasy Almatydan bastaý alatynyn málim etti.
Bul aqparatty «Bizdiń sport» saıty taratyp otyr.
Atalǵan aqparat agenttiginiń habarlaýynsha, qazirgi ýaqytta estafeta ótkizýdiń eki tujyrymdamasy ázirlený ústinde, alǵashy stsenarııge sáıkes - 1,3 mıllard, al ekinshisi boıynsha 500 mıllıon teńge qarajat shyǵyndalmaq.
Birinshi stsenarıı ekinshisine qaraǵanda birshama uzaq. Osy nusqa boıynsha alaý Azııa Olıpıadasy keńesiniń shtab-páteri ornalasqan Ál-Kýáıt qalasynda 2010 jylǵy jeltoqsannyń 31-inen 2011 jylǵy qańtardyń 1-ine qaraǵan túni jaǵylady. Qańtardyń 2-inde 6-shy Qysqy Azııa oıyndarynyń astanasy Changchýn qalasyna jetkiziledi. Al kelesi kúni charterlik reıspen Almatyǵa ákelinedi de qala boıynsha estafeta ótedi jáne sol kúni alaý eldegi saıahatyn bastaıdy. Onyń baǵdary Almaty, Jambyl, Ońtústik Qazaqstan, Qyzylorda oblystary arqyly ótip, qańtardyń 30-ynda Astanaǵa keledi.
Al ekinshi únemdi nusqaǵa sáıkes, alaý qańtardyń 25-inde Ál-Kýáıtte jaǵylyp, Almatyǵa ushaqpen jetkiziledi. Odan ary avtomobıl trassasymen Qaraǵandy arqyly elordaǵa ákelinedi.
Degenmen atalǵan dırektsııa basshysynyń aıtýynsha, basymdyq alǵashqy qymbat stsenarııge berilmek. «Biz memleket ımıdjine únem jasamaımyz», deıdi ol.
