Azıada alaýyn 30 myńnan astam aqtóbelik qarsy aldy
AQTÓBE. 20 qańtar. QazAqparat /Samal Endibaeva/ - Aqtóbe Azıada alaýynyń estafetasy ótken segizinshi qala atandy.
Aýa raıynyń qolaısyzdyǵyna jáne jaýǵan qarǵa qaramastan, qala turǵyndary osynaý sharaǵa belsendi atsalysty - Azıada alaýyn 30 myńnan astam aqtóbelik qarsy aldy.
Estafeta oblystyq ákimdiktiń aldyndaǵy alańda bastaldy, sol jerde aımaqtyq estafetanyń ashylý saltanaty ótti. Aqtóbe oblysynyń ákimi Eleýsin Saǵyndyqov óz sózinde, Elbasynyń joǵary bedeliniń arqasynda Qazaqstanda alǵash ret Azıada oıyndary ótkeli otyrǵanyn atap kórsetti.
«Aımaqtyq estafetanyń oblysymyz úshin mańyzy zor, bul sport sheberleriniń sherýi, úzdik azamattarymyzǵa qurmet kórsetý»,- dep túıindedi óz sózin ákim.
Dástúr boıynsha, Azıada alaýyn birinshi bolyp oblys ákimi alyp ótti, odan keıin shyraq Aqtóbeniń týmasy, Reseı Batyry, ǵaryshker ıÝrıı Lonchakovqa tabys etildi.
12 shaqyrymǵa sozylǵan estafetada qala men oblystyń tanymal azamattary, qoǵam qaıratkerleri, mádenıet jáne óner qaıratkerleri, sportshylar men sport ardagerleri júrip ótti.
Azıada alaýy Aqtóbeden keıin Qostanaıǵa jetkizildi.
