Azıada alaýy Qaraǵandyǵa keldi

Qaraǵandynyń «Saryarqa» áýejaıynda júzdegen qala turǵyndarynyń qatysýymen Azıada alaýyn kútip alý saltanaty ótti.

Oblys basshylyǵynyń atynan sóz sóılegen aımaq ákiminiń orynbasary Arman Qyryqbaev: «Azııa oıyndary el Táýelsizdiginiń 20 jyldyq mereıtoıymen qatar kelip otyrǵany qýanarlyq jaıt. Mundaı deńgeıdegi sharanyń ótkizilýi Qazaqstannyń abyroıyn asqaqta túsetindigine senimdimiz», - dep atap kórsetti.

«Alaý estafetasy aıaqtalýǵa jaqyn. 7-Qysqy Azııa oıyndarynyń uıymdastyrý komıtetiniń atynan kenshiler qalasyna Alaý estafetasynyń kelýimen quttyqtaımyn», - dedi osynaý sharany ótkizý jónindegi dırektsııanyń basshysy Naıl Nýrov óz sózinde.

Alaý áýejaıdan tikeleı «Qazaqstan Halyq bankiniń» oblystyq fılıalyna saqtaýǵa jetkizildi.

Qaraǵandy oblysynda Alaý estafetasy eki qalada - Qaraǵandy men Temirtaýda ótedi. Estafeta búgin Táýelsizdik stelasynan bastalady. «Baǵyttyń jalpy qashyqtyǵy 12 shaqyrym, onyń 9 shaqyrymy - Qaraǵandy, 3 shaqyrymy Temirtaý arqyly ótedi. Úsh kezeńge bólingen estafetaǵa 60 alaýger qatysady. Sımvolıkalyq shyraq N.Ábdirovtyń eskertkishiniń janynda jaǵylady», - dep habarlady uımdastyrý komıtetinen.

Birinshi bolyp alaýdy Qaraǵandy oblysynyń ákimi Serik Ahmetov alyp júredi. Odan keıin estafetany qaraǵandylyq boksshy Serik Sápıev qabyldap alady. Alaýgerlerdiń qatarynda tanymal sportshylar, saıasat jáne qoǵam qaıratkerleri bar.