Azıada alaýy estafetasy dırektsııasynyń ókili Soltústik Qazaqstan oblysynyń osy is-sharaǵa daıyndyq deńgeıin joǵary baǵalady
PETROPAVL. 15 jeltoqsan. QazAqparat /Sergeı Kýznetsov/ - Soltústik Qazaqstan oblysy VІІ qysqy Azııa oıyndary alaýynyń estafetasyna belsendi daıyndyq ústinde.
Osy mańyzdy sporttyq sharaǵa daıyndyq jumystaryn baǵalaý jáne úılestirý maqsatynda Astanadan Petropavlǵa Azıada alaýy estafetasy dırektsııasynyń SQO boıynsha menedjeri Roman Bekker arnaıy keldi. Azıada alaýy estafetasy dırektsııasynyń ókili Soltústik Qazaqstan oblysynyń osy is-sharaǵa daıyndyǵy deńgeıin joǵary baǵalady, bul jerde tıisti jumystardyń 70 paıyzyna jýyǵy aıaqtalyp qalypty.
«Maǵan adamdardyń yntasy, olardyń jumysqa zor qyzyǵýshylyqpen, ynta-jigermen kelip otyrǵany qatty unady. Olar estafetanyń, jalpy Azııa oıyndarynyń saıası jáne qoǵamdyq mańyzyn tereń sezine alǵan. Jasalǵan jumystarǵa meniń kóńilim tolyp otyr», - dedi ol jýrnalısterge bergen suhbatynda.
