Azıada alaýy Atyraýǵa jetti
ATYRAÝ. 17 qańtar. QazAqparat /Andreı Sokolov/ - Jeksenbi kúni keshke Atyraýǵa Aqtaýdan Azıada oıyndarynyń Alaýy jetkizildi.
Áýejaıda ushaq baspaldaǵynda Alaý qorǵaýshylary men Estafeta dırektsııasynyń ókilderin Atyraý oblysy ákiminiń orynbasary Serik Amanǵalıev kútip aldy.
Alaý estafetasy dırektsııasy basshysynyń orynbasary Sársen Quranbek baspasóz máslıhatynda jýrnalısterge habarlaǵandaı, alaý alyp ótilgen barlyq qalalarda rekordtar tirkelip otyr.
«Oblystardyń basshylarynyń aıtýynsha, biz bolǵan óńirlerde Alaý estafetasyna halyq mol jınalǵan, munshalyqty adam buǵan deıin birde-bir buqaralyq sharaǵa qatyspaǵan. Biz úshin bul mańyzdy. Bul, qazaqstandyqtardyń Azıada oıyndaryna degen erekshe yqylasyn kórsetip otyr. Bul, myńdaǵan, tipti mıllıondaǵan adam sportpen aınalysa bastaıdy nemese salaýatty ómir saltyna den qoıady degen sóz», - dedi S.Quranbek óz sózinde.
Baspasóz máslıhatynan keıin Alaý saqtalǵan kolba Halyq bankiniń fılıalyna jetkizildi, ol onda dúısenbige deıin saqtalady.
Al búgin saǵat 12.00-de dramalyq teatrdyń aldyndaǵy alańda osy Alaýdan shyraq jaǵylyp, 60 alaýger ony qala kóshelerimen alyp ótedi. Alaýgerlerdiń qataryna oblystyń úzdik sportshylary, eńbek sińirgen jattyqtyrýshylar, sport ardagerleri, zııaly qaýym ókilderi kirip otyr.
