Azıada alaýgeri ataný - men úshin úlken qurmet - Olımpıada chempıony Jaqsylyq Úshkempirov
ALMATY. 11 qańtar. QazAqparat /Aıgúl Turysbekova/ - Men eń jaqsy kóretin qysqy sport túri - bıatlon. Aldaǵy Azıada oıyndarynda men Elena Hrýstalevaǵa jankúıer bolamyn, - deıdi QazAqparat tilshisine suhbat bergen 1980 jylǵy Olımpıada chempıony, KSRO-nyń eńbek sińirgen sport sheberi Jaqsylyq Úshkempirov.
Erteń Ál-Kýáıtten Almatyǵa Azıada alaýy jetkiziletinin QazAqparat buǵan deıin habarlaǵan bolatyn. Dańqty sportshy 30 qańtarda Azıada oıyndarynyń saltanatty ashylýy ótetin Astanaǵa Alaýdy jetkizetin estafetanyń qatysýshysy bolyp tabylady. «Azıada alaýgeri ataný - men úshin úlken qurmet. Ózime júktelgen senimdi Qazaqstan sportynyń ardagerlerine kórsetilgen qurmet dep baǵalaımyn», -dedi aǵynan jaryldy chempıon.
