Azıada-2029: Almatyda jańa sport nysandary salynbaıdy
ASTANA. KAZINFORM – 2029 jyly qysqy Azııa oıyndaryn ótkizýge Almatyda jańa sport nysandary salynbaıdy. Bul týraly QR Týrızm jáne sport mınıstriniń orynbasary Serik Jarasbaev málim etti.
Onyń aıtýynsha, qalanyń qoldanystaǵy ınfraqurylymyna monıtorıng júrgizildi.
- Bul nysandar halyqaralyq standarttarǵa tolyq sáıkes keledi jáne Azııa oıyndary baǵdarlamasyn júzege asyrýdy qamtamasyz ete alady. Azııa oıyndary úshin qosymsha jańa sport nysandaryn salý qajet emes. Buǵan 2011 jyly qysqy Azııa oıyndarynyń jáne 2017 jyly 28-shi qysqy Ýnıversıadanyń ótkizilýi dálel bola alady, - dedi Serik Jarasbaev Senatta tilshiler suraǵyna jaýap bere otyryp.
Budan buryn habarlanǵandaı, Almaty qalasy 2029 jyly ótetin qysqy Azııa oıyndarynyń resmı uıymdastyrýshysy bolyp bekitildi.