Azıada-2026: jeńil atlet Krıstına Morozova el qorjynyn kúmis medalmen tolyqtyrdy
ASTANA. KAZINFORM — Japonııanyń Aıchı jáne Nagoıa qalasynda ótip jatqan 2026 jylǵy Azııa oıyndarynda Qazaqstan kezekti kúmis júldege ıe boldy, dep habarlaıdy QR Ulttyq Olımpıada komıteti.
Aıchı jáne Nagoıada (Japonııa) ótip jatqan 2026 jylǵy Azııa oıyndarynda jeńil atletıkadan jarystar bastaldy.
Bul sport túrindegi alǵashqy júldeler jartylaı marafon qashyqtyǵyndaǵy sporttyq júristen sarapqa salyndy.
Áıelder arasyndaǵy básekede Qazaqstan ókili Krıstına Morozova 1:35:25 nátıjesimen kúmis medal jeńip aldy.
Jarysta Qytaı sportshysy ıAn Lıýtszın 1:33:40 ýaqyt kórsetkishimen jeńiske jetti. Úzdik úshtikti taǵy bir qytaılyq sportshy ıÝnıan Tszıan 1:35:26 nátıjesimen túıindedi.
Qazaqstan quramasynyń taǵy bir múshesi Elmıra Kalımýllına 1:43:21 nátıjesimen altynshy orynǵa ıe boldy.
Eske sala ketsek, buǵan deıin Qazaqstan quramasynyń 23 qyrkúıektegi jarys kestesin jarııaladyq.
Sondaı-aq keshe el qorjyny tórt júldemen tolyqqanyn súıinshiledik.
