Azıada-2026: Otandyq sportshylar para ústel tennısinen qola medal ıelendi
ASTANA. KAZINFORM — V Azııa Para oıyndarynda para ústel tennısinen Marat Sýrtýbaev pen Altynaı Erjanqyzy qola medal jeńip aldy, dep habarlaıdy Dene múmkindikteri shekteýli tulǵalarǵa arnalǵan sporttyq daıarlaý ortalyǵynyń baspasóz qyzmeti.
Aralas juptyq synda XD20 klasy boıynsha ótken jartylaı fınaldyq kezdesýde qazaqstandyq sportshylar Gonkong ókilderi Lam ıAn ıÝ men Vong Hon Lamǵa 0:3 esebimen ese jiberdi.
Kezdesýdiń úsh seti 7:11, 4:11 jáne 8:11 esebimen aıaqtaldy.
Aıta keteıik, buǵan deıin toptyq kezeńde Marat Sýrtýbaev pen Altynaı Erjanqyzy Indonezııa quramasyn 3:1, Japonııa komandasyn 3:2 esebimen jeńip, Qytaı quramasyna 1:3 esebimen ese jibergen bolatyn.
Osyǵan deıin otandyq para veloshabandozdar Azııa oıyndarynda eki altyn jeńip alǵanyn jazǵanbyz.
Sonymen qatar Qazaqstan Azııa Para oıyndarynda sadaq atýdan alǵash ret kúmis medal enshiledi.
Budan bólek, Zarına Raıfova Azııa Para oıyndarynyń jeńimpazy atandy.
Al astanalyq parajeńil atlet Azııa rekordyn ornatty.
