Azıada-2026: Nurǵısa Ádiletuly el qorjynyna kúmis medal saldy
NAGOıA. KAZINFORM — Qazaqstandyq sportshy Nurǵısa Ádiletuly Japonııada ótip jatqan HH jazǵy Azııa oıyndarynda kúmis júlde jeńip aldy.
Otandasymyz aýyr atletıkadan erler arasynda 95 keli salmaqta jarys jolyna shyqty.
Julqa kóterý synynda Nurǵısa 177 kelini baǵyndyrsa, ırandyq sportshy Álı Álıpor 180 keli salmaqty sátti kóterip, Azıada rekordyn jańartty.
Serpe kóterýden qazaqstandyq sportshy 217 keli shtangany basynan asyryp, Azııa jáne Azıada rekordyn jańartty. Alaıda, ırandyq qarsylas úshinshi múmkindiginde 218 kelini sátti baǵyndyryp chempıon atandy. Osylaısha, qazaqstandyq sportshy jalpy esepte 394 keli nátıjemen Azııa oıyndarynyń kúmis júldegeri atandy.
Osyǵan deıin habarlaǵanymyzdaı, Alekseı Chýrkın aýyr atletıkadan álem rekordyn jańartyp, Azıadanyń kúmis júldegeri atanǵan bolatyn.
Sonymen qatar, Ádilet Ahmetǵalı kýrashtan Azııa oıyndarynyń qola júldesin jeńip aldy.
