Azıada-2026: quzǵa órmeleýshi Damır Toqtarov qola medaldy jeńip aldy
ASTANA. KAZINFORM – Aıchı-Nagoıadaǵy jazǵy Azııa oıyndarynda sporttyq quzǵa órmeleýden jyldamdyq baǵdarlamasynyń fınaly ótti, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Qazaqstan komandasynyń sportshysy Damır Toqtarov aqtyq synda 3-oryn aldy. Bul synda Qytaı ókili top jarsa, ırandyq Reza Fard Álıpýr kúmis júldege qol jetkizdi.
Aıta keteıik, bul Qazaqstan úshin sporttyq quzǵa órmeleýden Azıada tarıhyndaǵy birinshi medal sanalady.
Osyǵan deıin Damır jartylaı fınalda 4.789 sekýnd nátıjesimen Olımpıada chempıony Leonardo Vedrıkti (Indonezııa) basyp ozyp, 2-orynmen fınalǵa ótken.
Taǵy bir otandasymyz Parıj Olımpıadasynyń qatysýshysy Ámir Maımuratov jartylaı fınalda óz tobynda 3-satydan kórindi.
Aıta keteıik, búgin Azııa oıyndarynyń júldegerleri Almatyǵa oraldy.
