Azıada-2026: Qazaqstannyń basty básekelesteri kim
ASTANA. KAZINFORM — Japonııada ótip jatqan HH jazǵy Azııa oıyndarynyń alǵashqy jarys kúni Qazaqstan quramasy úshin nátıjeli aıaqtaldy.
— Karate, velosporttan alǵa shyǵyp jatyrmyz. MMA, aralas jekpe-jekten de úmit bar. Boks, dzıýdodan medal kútemiz. Ásirese, aǵaıyndy Oralbaılardan nátıje kútip otyrmyz. Semserlesýden de jetistik kútiledi, — dedi «Sportshylar keńesi» qoǵamdyq birlestiginiń jetekshisi Azamat Imashev Jibek Joly telearnasynyń «Búgin Live» baǵdarlamasynda.
Aldaǵy jarystarda Qazaqstan úshin negizgi syndardyń biri jekpe-jek sporttarynda ótpek. Sarapshynyń pikirinshe, bul básekede Koreıa men Japonııa quramalary negizgi qarsylastardyń qatarynda.
— Qazir Qazaqstanǵa Koreıa, Japonııa naqty básekeles. Jalpy, saıysqa qatysatyn 558 sportshy asqan daıyndyqpen, babynda kelgen, — dedi spıker.
Sonymen qatar el quramasynyń daıyndyǵy joǵary deńgeıde baǵalanyp otyr. Jarys ótip jatqan Japonııadaǵy qubylmaly aýa raıyna qaramastan, sportshylardyń óner kórsetýine aıtarlyqtaı kedergi joq.
— Bizdiń sportshylardyń daıyndyǵy da joǵary dárejede. 4 altyn psıhologııalyq motıvatsııa berip jatyr. Dáriger, psıholog, nýtrıtsologter qatysýshylarǵa dem berýde, — dedi spıker.
Eske salaıyq, búgin qazaqstandyq tennısshiler Maldıvti 3:1 esebimen utqany belgili boldy.
