Azıada-2026: Qazaqstandyq tennısshiler Maldıvti 3:1 esebimen utty
ASTANA. KAZINFORM — Qazaqstan áıelder quramasy Aıchı–Nagoıada ótip jatqan Azıada-2026 oıyndarynda ústel tennısinen komandalyq jarysta Maldıv quramasyn 3:1 esebimen jeńdi. Osy nátıjeden keıin qazaqstandyq sportshylar S tobynda ekinshi orynǵa kóterildi. Bul týraly UOK jazdy.
Qazaqstan áıelder quramasy ústel tennısinen Aıchı men Nagoıada (Japonııa) ótip jatqan 2026 jylǵy Azııa oıyndaryndaǵy komandalyq jarysta ekinshi kezdesýin ótkizdi.
Qazaqstandyq sportshylardyń qarsylastary Maldıv ókilderi boldy.
Kezdesý 3:1 esebimen Qazaqstan quramasynyń jeńisimen aıaqtaldy. Osy jeńisten keıin bizdiń qurama S tobynda ekinshi orynǵa kóterildi.
Eske sala keteıik, Qazaqstan quramasy alǵashqy kezdesýinde Ońtústik Koreıaǵa jol bergen bolatyn. Bul jarysta el namysyn Záýresh Aqasheva, Sarvınoz Mırkadırova, Janerke Kóshkimbaeva, Albına Jaqsylyqova jáne Angelına Romanovskaıa qorǵaıdy.
Aıta keteıik, Sanjar Ádilov Azıadada aralas jekpe-jekten qola aldy.
